სულ რამდენიმე წუთის წინ დასრულდა ინგლისის
პრემიერლიგის მესამე ტურის
შეხვედრა, სადაც "ლივერპული" "ბოლტონს"
მასპინძლობდა.
მატჩი მაღალ ტემპში
დაიწყო და მერსისაიდული გუნდის უპირატესობითაც წარიმართა. "წითლები"
მოედანზე დომინირებდნენ, ბურთს ფლობდნენ და უფრო აქტიურადაც უტევდნენ.
შედეგად, მატჩის მე-15 წუთზე ჯორდან ჰენდერსონმა "ლივერპულის" ფორმით
თავისი პირველი გოლის გატანა შესძლო. ამის შემდეგ სტუმრებს გააქტიურება
მართებდათ, თუმცა "ბოლტონმა" სერიოზული სახიფათო მომენტი ვერ შექმნა.
სტუმრები შეტევის განხორციელებას უმეტესად ფლანგებიდან პეტროვისა და იგლზის
წყალობით ცდილობდნენ, თუმცა ამ უკანასკნელს ხოსე ენრიკე ხვდებოდა და
საკმაოდ წარმატებულადაც ეთამაშებოდა. საერთოდ უნდა ითქვას, რომ ესპანელი
მცველი "ლივერპულს" ძალიან კარგად მოერგო. თუ აქამდე ის მხოლოდ გუნდის
დაცვაზე იყო ორიენტირებული, უკვე შეტევებშიც აქტიურად ერთვება და საკმაოდ
დიდად ეხმარება კიდეც მერსისაიდელთა შემტევებს. მარცხენა ფლანგზე ორი
ახალწვეულის ხოსე ენრიკესა და სტიუარტ დაუნინგის დუეტი საკმაოდ კარგად
გამოიყურება.
შეხვედრის მეორე ტაიმიც "ლივერპულელთა"
უპირატესობით წარიმართა. მატჩის 52-ე
წუთზე კუთხურიდან ჩამოწოდებულ ბურთს თავი მარტინ შკრტელმა დაახვედრა და
მეორედ შეარხია იასკილაინენის კარი. ერთი წუთის შემდეგ კი ჩარლი ადამი
გამოირჩა. შოტლანდიელმა შორეული დარტყმით მერსისაიდელთა უპირატესობა
სამამდე გაზარდა. მატჩის ბედი გადაწყვეტილი იყო, ამიტომ "ბოლტონის"
ფეხბურთელები თავს არც იკლავდნენ, თუმცა შეხვედრის ბოლო წუთზე სწრაფი
კონტრშეტევის შედეგად ივან კლასნიჩმა პრესტიჟის გოლის გატანა შეძლო.
საბოლოო ჯამში, შეხვედრა მერსისაიდელთა გამარჯვებით 3:1 დასრულდა.
"ლივერპულს" სამი ტურის შემდეგ 7 ქულა მოუგროვდა და ამ წუთისთვის ცხრილის
სათავეშიც დგას.
გთავაზობთ
დღევანდელი მატჩის ვიდეო, აუდიო და
ფოტომასალას.
მატჩის პირველი ტაიმის ქართული აუდიოჩანაწერის
გადმოსაწერად დააჭირეთ აქ: I
ტაიმი მატჩის
მეორე ტაიმის ქართული აუდიოჩანაწერის გადმოსაწერად დააჭირეთ აქ:
II
ტაიმი
maiko_gerrard იგივე მაიკო შაღაშვილი, რომელიც ჩვენი საიტის მომხმარებელია, "ლივერპულის" ქართველი ფანებიდან ერთ-ერთი ყველაზე მაგარი ფანია. ამაში თავად დარწმუნდებით, როდესაც მის ჩანაწერებს წაიკითხავთ.
ლევან აბესაძის (lenny) მოთხრობათა კრებულია, რომელშიც მთავარი გმირი პატრიკ ორბელი ირლანდიიდან მერსისაიდში გადმოსახლებული ბიჭია, რომელსაც "ლივერპულის" ფანებთან ერთად მრავალი ისტორია გადახდება თავს.
სულ რამდენიმე წუთის წინ დასრულდა ინგლისის
პრემიერლიგის მესამე ტურის
შეხვედრა, სადაც "ლივერპული" "ბოლტონს"
მასპინძლობდა.
მატჩი მაღალ ტემპში
დაიწყო და მერსისაიდული გუნდის უპირატესობითაც წარიმართა. "წითლები"
მოედანზე დომინირებდნენ, ბურთს ფლობდნენ და უფრო აქტიურადაც უტევდნენ.
შედეგად, მატჩის მე-15 წუთზე ჯორდან ჰენდერსონმა "ლივერპულის" ფორმით
თავისი პირველი გოლის გატანა შესძლო. ამის შემდეგ სტუმრებს გააქტიურება
მართებდათ, თუმცა "ბოლტონმა" სერიოზული სახიფათო მომენტი ვერ შექმნა.
სტუმრები შეტევის განხორციელებას უმეტესად ფლანგებიდან პეტროვისა და იგლზის
წყალობით ცდილობდნენ, თუმცა ამ უკანასკნელს ხოსე ენრიკე ხვდებოდა და
საკმაოდ წარმატებულადაც ეთამაშებოდა. საერთოდ უნდა ითქვას, რომ ესპანელი
მცველი "ლივერპულს" ძალიან კარგად მოერგო. თუ აქამდე ის მხოლოდ გუნდის
დაცვაზე იყო ორიენტირებული, უკვე შეტევებშიც აქტიურად ერთვება და საკმაოდ
დიდად ეხმარება კიდეც მერსისაიდელთა შემტევებს. მარცხენა ფლანგზე ორი
ახალწვეულის ხოსე ენრიკესა და სტიუარტ დაუნინგის დუეტი საკმაოდ კარგად
გამოიყურება.
შეხვედრის მეორე ტაიმიც "ლივერპულელთა"
უპირატესობით წარიმართა. მატჩის 52-ე
წუთზე კუთხურიდან ჩამოწოდებულ ბურთს თავი მარტინ შკრტელმა დაახვედრა და
მეორედ შეარხია იასკილაინენის კარი. ერთი წუთის შემდეგ კი ჩარლი ადამი
გამოირჩა. შოტლანდიელმა შორეული დარტყმით მერსისაიდელთა უპირატესობა
სამამდე გაზარდა. მატჩის ბედი გადაწყვეტილი იყო, ამიტომ "ბოლტონის"
ფეხბურთელები თავს არც იკლავდნენ, თუმცა შეხვედრის ბოლო წუთზე სწრაფი
კონტრშეტევის შედეგად ივან კლასნიჩმა პრესტიჟის გოლის გატანა შეძლო.
საბოლოო ჯამში, შეხვედრა მერსისაიდელთა გამარჯვებით 3:1 დასრულდა.
"ლივერპულს" სამი ტურის შემდეგ 7 ქულა მოუგროვდა და ამ წუთისთვის ცხრილის
სათავეშიც დგას.
გთავაზობთ
დღევანდელი მატჩის ვიდეო, აუდიო და
ფოტომასალას.
მატჩის პირველი ტაიმის ქართული აუდიოჩანაწერის
გადმოსაწერად დააჭირეთ აქ: I
ტაიმი მატჩის
მეორე ტაიმის ქართული აუდიოჩანაწერის გადმოსაწერად დააჭირეთ აქ:
II
ტაიმი
