გთავაზობთ "ლივერპულის" ბრაზილიელი ნახევარმცველის ლუკას ლეივას ინტერვიუს, სადაც ის მრავალ საინტერესო თემაზე საუბრობს, ბოლოს კი ერთ საიდუმლოსაც გვეუბნება.
- ვინ არის შენი გმირი სპორტში? - აირტონ სენა (ტრაგიკულად დაღუპული ბრაზილიელი ავტომრბოლელი). როდესაც ის დაიღუპა, საკმაოდ პატარა ვიყავი, თუმცა მასზე კარგი მოგონებები დამრჩა. არავინ მინახავს ასეთი ძლიერი და გამარჯვებისთვის ასე მოსწყურებული. ბრაზილიას სამუდამოდ ეყვარება ის.
- ვინ იქნებოდი, სპორტსმენი რომ არ გამოსულიყავი? - რთული შეკითხვაა, თუმცა მე ან ეკონომისტი ვიქნებოდი ან ბიზნესის ადმინისტრატორი. მომავალში აღნისნული კურსების გავლას ვაპირებ.
- რომელი სპორტსმენი მოგწონს? - მე მიყვარს ჩოგბურთი და აქედან გამომდინარე, მომწონს როჯერ ფედერერი. საოცარი ჟინი აქვს. თითქოს ძალიან მარტივად თამაშობს, თუმცა ვიცით, რაოდენ ძნელიცაა ის, რასაც იგი აკეთებს.
- განვლილ კარიერას როგორ მიმოიხილავ? - ბედნიერი ვარ, რადგან კარგი მოგონებები მაქვს. ყველაზე კარგად 2006 წელი მახსენდება, როდესაც ბრაზილიის წლის საუკეთესო ფეხბურთელად მაღიარეს, თან ყველაზე ახალგაზრდა ასაკში სწორედ მე მერგო ეს პრიზი. მეორე კარგი მოგონება "ლივერპულში" გადმოსვლაა.
- ...და ყველაზე ცუდი მოგონება? - 2008 წელს "ენფილდზე" "ფულემს" ვეთამაშებოდით და მაშინ მე მისტვენდნენ, რაც ძალიან მტკივნეული იყო და ვერასდროს დავივიწყებ (აღნიშნულის შესახებ ჩვენს საიტზე სტატია აპრილის თვეში დაიდო - ლუკასი: "ფანებს ყოველთვის არ შეუძლიათ თავიანთი ცხვირის იქითაც იყურონ"). ამ მომენტის შემდეგ გაცილებით ძლიერი პიროვნება და უკეთესი ფეხბურთელი გავხდი.
- თქვენს სახლს ცეცხლი რომ ეკიდოს, რომელ ერთ ნივთს გადაარჩენდით? - პირველ რიგში, მეუღლესა და ჩემს ბიჭს მივხედავდი. შემდეგ კი "გრემიოს", "ლივერპულისა" და ბრაზილიის ნაკრების ფორმებს გადავარჩენდი.
- გაიხსენეთ საუკეთესო რჩევა, რაც ოდესმე თქვენთვის უთქვამთ? - ყველაფერი სამართლიანად გააკეთე და იყავი პატიოსანი. მნიშვნელობა არ აქვს როდის დადგება შენი დრო, მთავარია თავი არ დახარო და არ დანებდე.
- საყვარელი სიმღერა? - "ლა ბამბა". როდესაც გუნდთან ერთად ვსადილობ, ფეხბურთელებს ყოველთვის ამ სიმღერას ვუმღერი. დარწმუნებული ვარ, მოსწონთ.
- ჩამოთვალეთ სამი ყველაზე მოსმენადი სიმღერა თქვენს აიპოდში? - Moves Like Jagger - Maroon 5, გარდა ამისა, მომწონს ბრაზილიური ჯგუფები - Fernando e Sorocaba და Victor e Leo. მათ ყველა სიმღერას ვუსმენ.
- რომელი ფილმი ნახეთ ბოლოს? - ფილმებს ხშირად არ ვუყურებ, თუმცა "სენას" (დოკუმენტური ფილმი აირტონ სენას შესახებ) მინდოდა და პირველივე შესაძლებლობაზე ვუყურე. ყველას გირჩევთ, ნახოთ ეს ფილმი. - მატჩისწინა საყვარელი კერძი? - ორაგული და ყავისფერი მაკარონი ერთად ძალიან გემრიელია.
- საყვარელი დასასვენებელი ადგილი? - ბრაზილია, ოჯახთან და მეგობრებთან ერთად.
- გვითხარით თქვენი საიდუმლო... - "ლივერპულში" გადმოსვლის პირველ თვეს ენის ბარიერი მქონდა. ერთ დღეს ჯეიმი კარაგერი რაღაცას მეუბნებოდა, თუმცა საკმაოდ სწრაფად საუბრობდა და ვერაფერს ვიგებდი. როდესაც ლაპარაკი დაამთავრა, დავეთანხმე, მეტი არაფერი მითქვამს. შევატყვე მთლად კმაყოფილი რომ არ იყო და მერე უარი ვუთხარი, თუმცა არც ამჯერად ჩანდა გახარებული. დღემდე არ ვიცი, მაშინ რას მეუბნებოდა.
გთავაზობთ "ლივერპულის" ბრაზილიელი ნახევარმცველის ლუკას ლეივას ინტერვიუს, სადაც ის მრავალ საინტერესო თემაზე საუბრობს, ბოლოს კი ერთ საიდუმლოსაც გვეუბნება.
- ვინ არის შენი გმირი სპორტში? - აირტონ სენა (ტრაგიკულად დაღუპული ბრაზილიელი ავტომრბოლელი). როდესაც ის დაიღუპა, საკმაოდ პატარა ვიყავი, თუმცა მასზე კარგი მოგონებები დამრჩა. არავინ მინახავს ასეთი ძლიერი და გამარჯვებისთვის ასე მოსწყურებული. ბრაზილიას სამუდამოდ ეყვარება ის.
- ვინ იქნებოდი, სპორტსმენი რომ არ გამოსულიყავი? - რთული შეკითხვაა, თუმცა მე ან ეკონომისტი ვიქნებოდი ან ბიზნესის ადმინისტრატორი. მომავალში აღნისნული კურსების გავლას ვაპირებ.
- რომელი სპორტსმენი მოგწონს? - მე მიყვარს ჩოგბურთი და აქედან გამომდინარე, მომწონს როჯერ ფედერერი. საოცარი ჟინი აქვს. თითქოს ძალიან მარტივად თამაშობს, თუმცა ვიცით, რაოდენ ძნელიცაა ის, რასაც იგი აკეთებს.
- განვლილ კარიერას როგორ მიმოიხილავ? - ბედნიერი ვარ, რადგან კარგი მოგონებები მაქვს. ყველაზე კარგად 2006 წელი მახსენდება, როდესაც ბრაზილიის წლის საუკეთესო ფეხბურთელად მაღიარეს, თან ყველაზე ახალგაზრდა ასაკში სწორედ მე მერგო ეს პრიზი. მეორე კარგი მოგონება "ლივერპულში" გადმოსვლაა.
- ...და ყველაზე ცუდი მოგონება? - 2008 წელს "ენფილდზე" "ფულემს" ვეთამაშებოდით და მაშინ მე მისტვენდნენ, რაც ძალიან მტკივნეული იყო და ვერასდროს დავივიწყებ (აღნიშნულის შესახებ ჩვენს საიტზე სტატია აპრილის თვეში დაიდო - ლუკასი: "ფანებს ყოველთვის არ შეუძლიათ თავიანთი ცხვირის იქითაც იყურონ"). ამ მომენტის შემდეგ გაცილებით ძლიერი პიროვნება და უკეთესი ფეხბურთელი გავხდი.
- თქვენს სახლს ცეცხლი რომ ეკიდოს, რომელ ერთ ნივთს გადაარჩენდით? - პირველ რიგში, მეუღლესა და ჩემს ბიჭს მივხედავდი. შემდეგ კი "გრემიოს", "ლივერპულისა" და ბრაზილიის ნაკრების ფორმებს გადავარჩენდი.
- გაიხსენეთ საუკეთესო რჩევა, რაც ოდესმე თქვენთვის უთქვამთ? - ყველაფერი სამართლიანად გააკეთე და იყავი პატიოსანი. მნიშვნელობა არ აქვს როდის დადგება შენი დრო, მთავარია თავი არ დახარო და არ დანებდე.
- საყვარელი სიმღერა? - "ლა ბამბა". როდესაც გუნდთან ერთად ვსადილობ, ფეხბურთელებს ყოველთვის ამ სიმღერას ვუმღერი. დარწმუნებული ვარ, მოსწონთ.
- ჩამოთვალეთ სამი ყველაზე მოსმენადი სიმღერა თქვენს აიპოდში? - Moves Like Jagger - Maroon 5, გარდა ამისა, მომწონს ბრაზილიური ჯგუფები - Fernando e Sorocaba და Victor e Leo. მათ ყველა სიმღერას ვუსმენ.
- რომელი ფილმი ნახეთ ბოლოს? - ფილმებს ხშირად არ ვუყურებ, თუმცა "სენას" (დოკუმენტური ფილმი აირტონ სენას შესახებ) მინდოდა და პირველივე შესაძლებლობაზე ვუყურე. ყველას გირჩევთ, ნახოთ ეს ფილმი. - მატჩისწინა საყვარელი კერძი? - ორაგული და ყავისფერი მაკარონი ერთად ძალიან გემრიელია.
- საყვარელი დასასვენებელი ადგილი? - ბრაზილია, ოჯახთან და მეგობრებთან ერთად.
- გვითხარით თქვენი საიდუმლო... - "ლივერპულში" გადმოსვლის პირველ თვეს ენის ბარიერი მქონდა. ერთ დღეს ჯეიმი კარაგერი რაღაცას მეუბნებოდა, თუმცა საკმაოდ სწრაფად საუბრობდა და ვერაფერს ვიგებდი. როდესაც ლაპარაკი დაამთავრა, დავეთანხმე, მეტი არაფერი მითქვამს. შევატყვე მთლად კმაყოფილი რომ არ იყო და მერე უარი ვუთხარი, თუმცა არც ამჯერად ჩანდა გახარებული. დღემდე არ ვიცი, მაშინ რას მეუბნებოდა.
