დღეს ინგლისის პრემიერლიგის 2010-11 წლების სეზონი დასრულდება. "ლივერპული" "ვილა პარკზე" "ასტონ ვილას" ესტუმრება. ამ შეხვედრაში გამარჯვება სტუმრებს სჭირდებათ. მოგების შემთხვევაში -
„ტოტენჰემმა" კი შინ „ბირმინგემთან" უნდა წააგოს ან ფრედ ითამაშოს -
„ლივერპული" მეხუთე ადგილზე გავა და მომავალ სეზონში ევროპის ლიგაში
ითამაშებს. კი მაგრამ, არის იმის შანსი, რომ „სფურზმა" „ბირმინგემთან" ქულები
დაკარგოს? თუ ცხრილს ჩავხედავთ და „ბირმინგემის" მდგომარეობას
დავაკვირდებით, დავინახავთ, რომ „უაით ჰართ ლეინის" სტუმრებს მოტივაცია არ
აკლიათ - ისინი გასავარდნ სამეულში მხოლოდ გატანილ-გაშვებულთა უკეთესი
სხვაობის გამო არ არიან. სხვა სიტყვებით, „დეზებს" დიდი წინააღმდეგობა
ელით, მაგრამ „ლივერპულმა" უპირველეს ყოვლისა თავის საქმეს უნდა მიხედოს და
„ვილა პარკზე" მოიგოს. კაცმა რომ თქვას, მათ წისქვილზე „ასტონ ვილას" გუნებ-განწყობაც ასხამს
წყალს - ჟერარ ულიეს ფეხბურთელებს ამ შეხვედრაში არაფერი სჭირდებათ (თუ
ფულს არ ჩავთვლით) და მათ გულით ავადმყოფ თავკაც ჟერარ ულიეს შეუძლია
თამაში საერთოდ არ ნახოს, რაც ჯანმრთელობისთვის სასარგებლოა. თუმცა ფული..
საპრიზო ფონდთან დაკავშირებით საქმე ასეა: პრემიერლიგაში თითო ადგილზე 800
ათასი ფუნტით მეტია. კარგად რომ წარმოვიდგინოთ, შარშანდელი გავიხსენოთ:
მე-20 ადგილზე გასულმა 800 ათასი მიიღო, მე-19 გუნდმა 1,6 მილიონი და ასე
შემდეგ. და რომელი ადგილის მოპოვება შეუძლია ჩვენს მიერ უმოტივაციოდ
გამოცხადებულ „ასტონ ვილას"? „ლივერპულის" ძლევისა და მთელი რიგი
დამთხვევების შემთხვევაში მე-9 ადგილის, რაც შარშან 9,6 მილიონ ფუნტად
დაფასდა. "ასტონ ვილა" სატურნირო ცხრილში 45 ქულით მე-13 ადგილზე იმყოფება და მე-6 პოზიციაზე მყოფ "ლივერპულს" 13 ქულით ჩამორჩება.
ამ გუნდებს შორის უკანასკნელი 18 მატჩიდან "ასტონ ვილამ" მხოლოდ 1 შეხვედრა მოიგო - გასულ სეზონში "ენფილდზე".
"ასტონ ვილამ" წააგო 1 მატჩი უკანასკნელი 7 თამაშიდან.
დარენ ბენტმა უკანასკნელ 7 მატჩში 6 გოლი გაიტანა.
დღევანდელი მატჩი სტილიან პეტროვისთვის 500-ე, ხოლო ეშლი იანგისთვის 300-ე იქნება.
"ლივერპულს" "ვილა პარკზე" ზედიზედ12 შეხვედრაა წაგება არ აქვს (7 მოგება, 5 ფრე). ამ მატჩებიდან" ასტონ ვილამ" მხოლოდ 4-ჯერ მოახერხა მერსისაიდული გუნდის კარის დალაშქვრა.
"ტოტენჰემთან" გასულ ტურში 0:2 წაგება "ლივერპულისთვის" ორი მატჩის ჯამში უკანასკნელ 10 წელიწადში საკუთარ კედლებში მეხუთე დამარცხებაა.
კენი დალგლიშის ხელმძღვანელობით "ლივერპულმა" ჩემპიონატის უკანასკნელი 15 მატჩიდან 32 ქულა გამოიმუშავა.
მიუხედავად ამისა, მერსისაიდულ გუნდს 11 მატჩიდან 10 წაგებული აქვს.
"ლივერპულს" დასკვნით ტურში 2003 წლიდან მოყოლებული არ წაუგია. მაშინ "ჩელსისთან" 2:1 დამარცხდა.
თუკი მარტინ შკრტელმა დღევანდელი შეხვედრა სრულად ჩაატარა, ის გახდება გუნდის ერთადერთი ფეხბურთელი, რომელსაც პრემიერლიგის ყველა მატჩი ჩატარებული ექნება სასტარტო სასტვენიდან საფინალო სასტვენამდე.
დირკ კიუიტმა გაიტანა 9 გოლი უკანასკნელი 9 მატჩიდან.
დღეს ინგლისის პრემიერლიგის 2010-11 წლების სეზონი დასრულდება. "ლივერპული" "ვილა პარკზე" "ასტონ ვილას" ესტუმრება. ამ შეხვედრაში გამარჯვება სტუმრებს სჭირდებათ. მოგების შემთხვევაში -
„ტოტენჰემმა" კი შინ „ბირმინგემთან" უნდა წააგოს ან ფრედ ითამაშოს -
„ლივერპული" მეხუთე ადგილზე გავა და მომავალ სეზონში ევროპის ლიგაში
ითამაშებს. კი მაგრამ, არის იმის შანსი, რომ „სფურზმა" „ბირმინგემთან" ქულები
დაკარგოს? თუ ცხრილს ჩავხედავთ და „ბირმინგემის" მდგომარეობას
დავაკვირდებით, დავინახავთ, რომ „უაით ჰართ ლეინის" სტუმრებს მოტივაცია არ
აკლიათ - ისინი გასავარდნ სამეულში მხოლოდ გატანილ-გაშვებულთა უკეთესი
სხვაობის გამო არ არიან. სხვა სიტყვებით, „დეზებს" დიდი წინააღმდეგობა
ელით, მაგრამ „ლივერპულმა" უპირველეს ყოვლისა თავის საქმეს უნდა მიხედოს და
„ვილა პარკზე" მოიგოს. კაცმა რომ თქვას, მათ წისქვილზე „ასტონ ვილას" გუნებ-განწყობაც ასხამს
წყალს - ჟერარ ულიეს ფეხბურთელებს ამ შეხვედრაში არაფერი სჭირდებათ (თუ
ფულს არ ჩავთვლით) და მათ გულით ავადმყოფ თავკაც ჟერარ ულიეს შეუძლია
თამაში საერთოდ არ ნახოს, რაც ჯანმრთელობისთვის სასარგებლოა. თუმცა ფული..
საპრიზო ფონდთან დაკავშირებით საქმე ასეა: პრემიერლიგაში თითო ადგილზე 800
ათასი ფუნტით მეტია. კარგად რომ წარმოვიდგინოთ, შარშანდელი გავიხსენოთ:
მე-20 ადგილზე გასულმა 800 ათასი მიიღო, მე-19 გუნდმა 1,6 მილიონი და ასე
შემდეგ. და რომელი ადგილის მოპოვება შეუძლია ჩვენს მიერ უმოტივაციოდ
გამოცხადებულ „ასტონ ვილას"? „ლივერპულის" ძლევისა და მთელი რიგი
დამთხვევების შემთხვევაში მე-9 ადგილის, რაც შარშან 9,6 მილიონ ფუნტად
დაფასდა. "ასტონ ვილა" სატურნირო ცხრილში 45 ქულით მე-13 ადგილზე იმყოფება და მე-6 პოზიციაზე მყოფ "ლივერპულს" 13 ქულით ჩამორჩება.
ამ გუნდებს შორის უკანასკნელი 18 მატჩიდან "ასტონ ვილამ" მხოლოდ 1 შეხვედრა მოიგო - გასულ სეზონში "ენფილდზე".
"ასტონ ვილამ" წააგო 1 მატჩი უკანასკნელი 7 თამაშიდან.
დარენ ბენტმა უკანასკნელ 7 მატჩში 6 გოლი გაიტანა.
დღევანდელი მატჩი სტილიან პეტროვისთვის 500-ე, ხოლო ეშლი იანგისთვის 300-ე იქნება.
"ლივერპულს" "ვილა პარკზე" ზედიზედ12 შეხვედრაა წაგება არ აქვს (7 მოგება, 5 ფრე). ამ მატჩებიდან" ასტონ ვილამ" მხოლოდ 4-ჯერ მოახერხა მერსისაიდული გუნდის კარის დალაშქვრა.
"ტოტენჰემთან" გასულ ტურში 0:2 წაგება "ლივერპულისთვის" ორი მატჩის ჯამში უკანასკნელ 10 წელიწადში საკუთარ კედლებში მეხუთე დამარცხებაა.
კენი დალგლიშის ხელმძღვანელობით "ლივერპულმა" ჩემპიონატის უკანასკნელი 15 მატჩიდან 32 ქულა გამოიმუშავა.
მიუხედავად ამისა, მერსისაიდულ გუნდს 11 მატჩიდან 10 წაგებული აქვს.
"ლივერპულს" დასკვნით ტურში 2003 წლიდან მოყოლებული არ წაუგია. მაშინ "ჩელსისთან" 2:1 დამარცხდა.
თუკი მარტინ შკრტელმა დღევანდელი შეხვედრა სრულად ჩაატარა, ის გახდება გუნდის ერთადერთი ფეხბურთელი, რომელსაც პრემიერლიგის ყველა მატჩი ჩატარებული ექნება სასტარტო სასტვენიდან საფინალო სასტვენამდე.
დირკ კიუიტმა გაიტანა 9 გოლი უკანასკნელი 9 მატჩიდან.
