რამდენიმე წუთის წინ ინგლისის ასოცაციის თასზე დასრულდა მატჩი "ენფილდზე"
"ლივერპულსა" და "მანჩესტერ იუნაიტედს" შორის. შეხვედრა თავიდანვე მაღალი
ტემპით დაიწყო. ბუნებრივია, ინგლისში ერთ-ერთი ყველაზე გამორჩეული
მეტოქეები ერთმანეთისთვის არაფრის დათმობას არ აპირებდნენ. მერსისაიდელებს
დისკვალიფიცირებული ლუის სუარესი აკლდათ. შეგახსენებთ, აღნიშნულ გუნდებს
შორის წინა მატჩში ურუგვაელი ფორვარდი "იუნაიტედის" მცველის პატრის ევრას
მიმართ რასისტულ შეურაცხყოფაში ამხილეს და რვამატჩიანი დისკვალიფიკაციით
დასაჯეს. სამაგიეროდ, მოედანზე იყო ევრა, რომელსაც "ლივერპულის" ფანები
სტვენით ხვდებოდნენ, თუმცა ფრანგი ამას არ იმჩნევდა და მატჩში ერთ-ერთი
ყველაზე აქტიურიც იყო. სტუმართა მთავარი დანაკლისი კი უეინ რუნი იყო,
რომელსაც მცირე ტრავმა აწუხებს.
პირველი სახიფათო მომენტი დავიდ დე ხეას კართან შეიქმნა. მაქსი როდრიგესი
დასარტყმელ პოზიციაზე გავიდა, ძლიერადაც დაარტყა, თუმცა ესპანელმა კიპერმა
ბურთის მოგერიება კუთხურზე შეძლო. სტუმრებმა რამდენიმე წუთში უპასუხეს,
როცა ანტონიო ვალენსიამ რეიდის შემდეგ შორი მანძილიდან დაარტყა და ბურთი
პეპე რეინას კარის ძელს გაარტყა.
21-ე წუთზე ანგარიშიც გაიხსნა. შეტევის მარცხენა ფლანგიდან სტივენ ჯერარდის
კუთხურიდან ჩაწოდებულის შემდეგ ყველაზე მაღლა დანიელ აგერი ახტა და თავური
დარტყმით მერსისაიდელები დააწინაურა 1:0.
გოლის შემდეგ მატჩის ტემპი ოდნავ დავარდა, იპირატესობა "მანჩესტერ
იუნაიტედის" ფეხბურთელებმა იგდეს ხელთ, თუმცა "ლივერპულის" მცველები თავს
კარგად იცავდნენ 39-ე წუთამდე.
ტაიმის დასრულებამდე 6 წუთით ადრე სტუმრებმა ანგარიშის გათანაბრება
მოახერხეს. მარჯვენა ფლანგზე რაფაელი ხოსე ენრიკეს გასცდა და საჯარიმოში
ბურთი მასპინძელთა ყურადღების მიღმა დარჩენილ პარკ ჯი-სუნს გადასცა,
რომელსაც რეინას კარის აღება არ გასჭირვებია 1:1.
გუნდები შესვენებაზე საყაიმო შედეგით გავიდნენ.
მატჩის მეორე ტაიმიც საკმაოდ მაღალ ტემპში დაიწყო და სახიფათო მომენტები
ერთმანეთის მიყოლებით ხან ერთი გუნდის კართან იქმნებოდა, ხან მეორესთან. დე ხეამ რამდენიმე ეპიზოდში ჩვეული არადამაჯერებლობაც აჩვენა.
მატჩის 88-ე წუთზე "მანჩესტერ იუნაიტედის" დაცვა ჩავარდა. კარიდან რეინას
ძლიერი დარტყმის შემდეგ ბურთი კიუიტს მიუვიდა, რომელიც ევრას გაეპარა,
ჰოლანდიელი მეკარესთან ერთი ერთზე გავიდა და მერსისაიდელებს ნანატრი გოლი
მოუტანა 2:1. ფეხბურთელებმა გატანილი გოლი ფანებთან ერთად აღნიშნეს.
ამის შემდეგ სტუმრებს შეხვედრის გადასარჩენად აღარც დრო და აღარც ძალა
ეყოთ. "ლივერპულმა" "წითელი ეშმაკები" ტურნირს გამოთიშა და მომდევნო ეტაპის
საგზური დაისაკუთრა.
რამდენიმე წუთის წინ ინგლისის ასოცაციის თასზე დასრულდა მატჩი "ენფილდზე"
"ლივერპულსა" და "მანჩესტერ იუნაიტედს" შორის. შეხვედრა თავიდანვე მაღალი
ტემპით დაიწყო. ბუნებრივია, ინგლისში ერთ-ერთი ყველაზე გამორჩეული
მეტოქეები ერთმანეთისთვის არაფრის დათმობას არ აპირებდნენ. მერსისაიდელებს
დისკვალიფიცირებული ლუის სუარესი აკლდათ. შეგახსენებთ, აღნიშნულ გუნდებს
შორის წინა მატჩში ურუგვაელი ფორვარდი "იუნაიტედის" მცველის პატრის ევრას
მიმართ რასისტულ შეურაცხყოფაში ამხილეს და რვამატჩიანი დისკვალიფიკაციით
დასაჯეს. სამაგიეროდ, მოედანზე იყო ევრა, რომელსაც "ლივერპულის" ფანები
სტვენით ხვდებოდნენ, თუმცა ფრანგი ამას არ იმჩნევდა და მატჩში ერთ-ერთი
ყველაზე აქტიურიც იყო. სტუმართა მთავარი დანაკლისი კი უეინ რუნი იყო,
რომელსაც მცირე ტრავმა აწუხებს.
პირველი სახიფათო მომენტი დავიდ დე ხეას კართან შეიქმნა. მაქსი როდრიგესი
დასარტყმელ პოზიციაზე გავიდა, ძლიერადაც დაარტყა, თუმცა ესპანელმა კიპერმა
ბურთის მოგერიება კუთხურზე შეძლო. სტუმრებმა რამდენიმე წუთში უპასუხეს,
როცა ანტონიო ვალენსიამ რეიდის შემდეგ შორი მანძილიდან დაარტყა და ბურთი
პეპე რეინას კარის ძელს გაარტყა.
21-ე წუთზე ანგარიშიც გაიხსნა. შეტევის მარცხენა ფლანგიდან სტივენ ჯერარდის
კუთხურიდან ჩაწოდებულის შემდეგ ყველაზე მაღლა დანიელ აგერი ახტა და თავური
დარტყმით მერსისაიდელები დააწინაურა 1:0.
გოლის შემდეგ მატჩის ტემპი ოდნავ დავარდა, იპირატესობა "მანჩესტერ
იუნაიტედის" ფეხბურთელებმა იგდეს ხელთ, თუმცა "ლივერპულის" მცველები თავს
კარგად იცავდნენ 39-ე წუთამდე.
ტაიმის დასრულებამდე 6 წუთით ადრე სტუმრებმა ანგარიშის გათანაბრება
მოახერხეს. მარჯვენა ფლანგზე რაფაელი ხოსე ენრიკეს გასცდა და საჯარიმოში
ბურთი მასპინძელთა ყურადღების მიღმა დარჩენილ პარკ ჯი-სუნს გადასცა,
რომელსაც რეინას კარის აღება არ გასჭირვებია 1:1.
გუნდები შესვენებაზე საყაიმო შედეგით გავიდნენ.
მატჩის მეორე ტაიმიც საკმაოდ მაღალ ტემპში დაიწყო და სახიფათო მომენტები
ერთმანეთის მიყოლებით ხან ერთი გუნდის კართან იქმნებოდა, ხან მეორესთან. დე ხეამ რამდენიმე ეპიზოდში ჩვეული არადამაჯერებლობაც აჩვენა.
მატჩის 88-ე წუთზე "მანჩესტერ იუნაიტედის" დაცვა ჩავარდა. კარიდან რეინას
ძლიერი დარტყმის შემდეგ ბურთი კიუიტს მიუვიდა, რომელიც ევრას გაეპარა,
ჰოლანდიელი მეკარესთან ერთი ერთზე გავიდა და მერსისაიდელებს ნანატრი გოლი
მოუტანა 2:1. ფეხბურთელებმა გატანილი გოლი ფანებთან ერთად აღნიშნეს.
ამის შემდეგ სტუმრებს შეხვედრის გადასარჩენად აღარც დრო და აღარც ძალა
ეყოთ. "ლივერპულმა" "წითელი ეშმაკები" ტურნირს გამოთიშა და მომდევნო ეტაპის
საგზური დაისაკუთრა.
