მიმდინარე სეზონი ედინსონ კავანისთვის, შარშანდელის მსგავსად, დიდებულად დაიწყო. ურუგვაელი თავდამსხმელი ”ნაპოლიში” კვლავ ერთპიროვნულ ლიდერად რჩება და გატანილ გოლებზე რომ აღარაფერი ვთქვათ, გულშემატკივრებს უმაღლესი ხარისხის ფეხბურთით ამახსოვრებს თავს. ეს კი გრანდების მხრიდან მის მიმართ ინტერესს კიდევ უფრო აძლიერებს. ცნობილია, რომ ზაფხულის სატრანსფერო პერიოდში მასზე, ”იუვენტუსსა” და ”ინტერს” ეჭირათა თვალი, თუმცა მათ უარი თქვეს ჯიბეზე ხელის გაკვრაზე, ნეაპოლელებმა ძალიან მარტივად მოახერხეს ურუგვაელის შენარჩუნება და მათი პრეზიდენტი აურელიო დე ლაურენტისი ახლაც დამაიმედებელ განცხადებებს აკეთებს, კავანი კიდევ მრავალი წლის განმავლობაში ითამაშებს ”ნაპოლიშიო”.
თუმცა ერთია, რას ამბობს კლუბსი პრეზიდენტი და მეორე, თავად ფეხბურთელის პოზიცია, რომელიც ახლახან გაირკვა, რომ პრეზიდენტისგან საკმაოდ განსხვავებული ყოფილა: ”უდავოა, ”ნაპოლი” წლიდან წლამდე პროგრესირებს და უახლოეს მომავალში ევროპაში ყველასთვის ანგარიშგასაწევ ძალად ჩამოყალიბდება, მაგრამ ეს არ ნიშნავს იმას, რომ იმავე ”მანჩესტერის”, ”ბარსელონას”, ”რეალისა” და ”მილანის” დონეს მიაღწევს. ამას ათწლეულები სჭირდება და თავიდანვე უნდა გავაცნობიეროთ, რომ ასე მალე ვერ შევერევით გრანდებში. სეზონი ცოტა ხნის წინ დაიწყო და პრესაში უკვე იმაზე მსჯელობენ, დარჩება თუ არა კავანი ”ნაპოლიში”, რაც პირდაპირ გეტყვით, ჩემთვის ძალიან მომაბეზრებელია. აქაურობის დატოვება რომ მდომოდა, ამას ზაფხულში გავაკეთებდი. ასე რომ, შეგიძლიათ სხვაზე იმარჩიელოთ. ჩემს ამჟამინდელ გუნდთან ერთად სკუდეტოს მოგებას ვგეგმავ, მერე კი თუ ეს მოვახერხე, შეიძლება გუნდის გამოცვლაზეც დავფიქრდე. რატომ? ყველა ამბიციური ფეხბურთელი გრანდში თამაშზე ოცნებობს და მე რა დავაშავე? თან ჯერ მხოლოდ 24 წლის ვარ და ნამდვილად არ ვიქნები დასაძრახი, ორი და სამი სეზონის შემდეგ წასვლის გადაწყვეტილება თუ მივიღე”.
არ გეგონით კავანის ეს განცხადება ყოველგვარი საფუძველის გარეშე გაეკეთებინოს. იტალიურ პრესაში გავრცელებული ინფორმაციის თანახმად ”ლივერპული” ”ბარსელონა” და ”მანჩესტერ სიტი” ცდილობენ ურუგვაელი ფორვარდის გადაბირებას.
მიმდინარე სეზონი ედინსონ კავანისთვის, შარშანდელის მსგავსად, დიდებულად დაიწყო. ურუგვაელი თავდამსხმელი ”ნაპოლიში” კვლავ ერთპიროვნულ ლიდერად რჩება და გატანილ გოლებზე რომ აღარაფერი ვთქვათ, გულშემატკივრებს უმაღლესი ხარისხის ფეხბურთით ამახსოვრებს თავს. ეს კი გრანდების მხრიდან მის მიმართ ინტერესს კიდევ უფრო აძლიერებს. ცნობილია, რომ ზაფხულის სატრანსფერო პერიოდში მასზე, ”იუვენტუსსა” და ”ინტერს” ეჭირათა თვალი, თუმცა მათ უარი თქვეს ჯიბეზე ხელის გაკვრაზე, ნეაპოლელებმა ძალიან მარტივად მოახერხეს ურუგვაელის შენარჩუნება და მათი პრეზიდენტი აურელიო დე ლაურენტისი ახლაც დამაიმედებელ განცხადებებს აკეთებს, კავანი კიდევ მრავალი წლის განმავლობაში ითამაშებს ”ნაპოლიშიო”.
თუმცა ერთია, რას ამბობს კლუბსი პრეზიდენტი და მეორე, თავად ფეხბურთელის პოზიცია, რომელიც ახლახან გაირკვა, რომ პრეზიდენტისგან საკმაოდ განსხვავებული ყოფილა: ”უდავოა, ”ნაპოლი” წლიდან წლამდე პროგრესირებს და უახლოეს მომავალში ევროპაში ყველასთვის ანგარიშგასაწევ ძალად ჩამოყალიბდება, მაგრამ ეს არ ნიშნავს იმას, რომ იმავე ”მანჩესტერის”, ”ბარსელონას”, ”რეალისა” და ”მილანის” დონეს მიაღწევს. ამას ათწლეულები სჭირდება და თავიდანვე უნდა გავაცნობიეროთ, რომ ასე მალე ვერ შევერევით გრანდებში. სეზონი ცოტა ხნის წინ დაიწყო და პრესაში უკვე იმაზე მსჯელობენ, დარჩება თუ არა კავანი ”ნაპოლიში”, რაც პირდაპირ გეტყვით, ჩემთვის ძალიან მომაბეზრებელია. აქაურობის დატოვება რომ მდომოდა, ამას ზაფხულში გავაკეთებდი. ასე რომ, შეგიძლიათ სხვაზე იმარჩიელოთ. ჩემს ამჟამინდელ გუნდთან ერთად სკუდეტოს მოგებას ვგეგმავ, მერე კი თუ ეს მოვახერხე, შეიძლება გუნდის გამოცვლაზეც დავფიქრდე. რატომ? ყველა ამბიციური ფეხბურთელი გრანდში თამაშზე ოცნებობს და მე რა დავაშავე? თან ჯერ მხოლოდ 24 წლის ვარ და ნამდვილად არ ვიქნები დასაძრახი, ორი და სამი სეზონის შემდეგ წასვლის გადაწყვეტილება თუ მივიღე”.
არ გეგონით კავანის ეს განცხადება ყოველგვარი საფუძველის გარეშე გაეკეთებინოს. იტალიურ პრესაში გავრცელებული ინფორმაციის თანახმად ”ლივერპული” ”ბარსელონა” და ”მანჩესტერ სიტი” ცდილობენ ურუგვაელი ფორვარდის გადაბირებას.
