რამდენიმე წუთის წინ "ენფილდზე” დასრულდა ინგლისის ლიგის თასის განმეორებითი ნახევარფინალური მატჩი "ლივერპულსა” და "მანჩესტერ სიტის” შორის. შეხვედრა უშეღავათო ბრძოლაში და საკმაოდ მაღალ ტემპში წარიმართა.
შეხვედრის 30-ე წუთზე ნაიჯელ დე იონგის შორეული დარტყმის შემდეგ ანგარიში გაიხსნა. ჰოლანდიელ ფეხბურთელს დარტყმის შემდეგ ფეხი დაუცდა, თუმცა მართლაც ლამაზი გოლი გამოუვიდა.
ამის შემდეგ მერსისაიდული გუნდის ფეხბურთელები მეტად გააქტიურდნენ და ანგარიშის გათანაბრებაზე დაიწყეს ზრუნვა. "წითლების” ძალისხმევას შედეგიც მოჰყვა. მე-40 წუთზე მიკა რიჩარდს საკუთარ საჯარიმო მოედანზე ბურთი ხელზე მოხვდა და მთავარმა მსაჯმა ფილ დაუდმა თერთმეტმეტრიანი დანიშნა. სტივენ ჯერარდმა პენალტი იდეალურად შეასრულა და ანგარიში გათანაბრდა 1:1. მატჩის ნახევარი ამავე ანგარიშით დასრულდა.
მეორე ნახევარიც მაღალ ტემპში დაიწყო და ტაიმის დაწყებიდან 20 წუთში ედინ ჯეკომ პეპე რეინას კარის ბადე მეორედ შეარხია. მარცხენა ფლანგიდან კოლაროვის დაბალ ჩაწოდებულს მცველების ყურადღების მიღმა დატოვებული ჯეკო გოლით გამოეხმაურა. "სიტი” კვლავ დაწინაურდა 2:1.
შეგახსენებთ, რომ პირველი მატჩი "ეტიჰადზე” მერსისაიდელთა გამარჯვებით, ანგარიშით 1:0 დასრულდა. ლიგის თასზე სტუმრად გატანილ გოლს ძირითად დროში უპირატესობა არ ენიჭება, ასე რომ, მოვლენების ამგვარად განვითარება "ქალაქელთა” ინტერესებში შედიოდა, თუმცა "წითლები” დანებებას არ აპირებდნენ და ჯოი ჰარტის კართან შეტევებს სიმწვავე შემატეს, რამაც თავისი შედეგი მოიტანა. კიუიტი, ბელამი, ჯონსონის ლამაზად გათამაშებულ კომბინაციას უელსელის გოლი მოჰყვა. ანგარიში კვლავ გათანაბრდა 2:2.
მერსისაიდელებს მინიმუმ ეს ანგარიში უნდა შეენარჩუნებინათ, "ქალაქელებს” კი კვლავ ერთი გოლის გატანა სჭირდებოდათ და რეინას კართან რამდენიმე სახიფათო მომენტიც შექმნეს, თუმცა დაწინაურება ვეღარ შეძლეს. მატჩი ფრედ, ანგარიშით 2:2 დასრულდა, რაც ხელს "ლივერპულს” აძლევდა.
ასე რომ, წელს, ინგლისის ლიგის თასის ფინალში "უემბლიზე” "კარდიფ სიტი” და "ლივერპული” ითამაშებენ. სხვათა შორის, უელსელთა ღირსებას სტივენ ჯერარდის უმცროსი ძმა ენტონი ჯერარდი იცავს, ასე რომ, ფინალში ძმები ჯერარდების დუელი გველის. ”კარდიფს” აღნიშნული ტურნირი მოგებული არ აქვთ, "ლივერპულს” კი ლიგის თასი შვიდჯერ აქვს დასაკუთრებული (უკანასკნელად 2003 წელს). ფინალური მატჩი "უემბლიზე” 26 თებერვალს გაიმართება.
maiko_gerrard იგივე მაიკო შაღაშვილი, რომელიც ჩვენი საიტის მომხმარებელია, "ლივერპულის" ქართველი ფანებიდან ერთ-ერთი ყველაზე მაგარი ფანია. ამაში თავად დარწმუნდებით, როდესაც მის ჩანაწერებს წაიკითხავთ.
ლევან აბესაძის (lenny) მოთხრობათა კრებულია, რომელშიც მთავარი გმირი პატრიკ ორბელი ირლანდიიდან მერსისაიდში გადმოსახლებული ბიჭია, რომელსაც "ლივერპულის" ფანებთან ერთად მრავალი ისტორია გადახდება თავს.
რამდენიმე წუთის წინ "ენფილდზე” დასრულდა ინგლისის ლიგის თასის განმეორებითი ნახევარფინალური მატჩი "ლივერპულსა” და "მანჩესტერ სიტის” შორის. შეხვედრა უშეღავათო ბრძოლაში და საკმაოდ მაღალ ტემპში წარიმართა.
შეხვედრის 30-ე წუთზე ნაიჯელ დე იონგის შორეული დარტყმის შემდეგ ანგარიში გაიხსნა. ჰოლანდიელ ფეხბურთელს დარტყმის შემდეგ ფეხი დაუცდა, თუმცა მართლაც ლამაზი გოლი გამოუვიდა.
ამის შემდეგ მერსისაიდული გუნდის ფეხბურთელები მეტად გააქტიურდნენ და ანგარიშის გათანაბრებაზე დაიწყეს ზრუნვა. "წითლების” ძალისხმევას შედეგიც მოჰყვა. მე-40 წუთზე მიკა რიჩარდს საკუთარ საჯარიმო მოედანზე ბურთი ხელზე მოხვდა და მთავარმა მსაჯმა ფილ დაუდმა თერთმეტმეტრიანი დანიშნა. სტივენ ჯერარდმა პენალტი იდეალურად შეასრულა და ანგარიში გათანაბრდა 1:1. მატჩის ნახევარი ამავე ანგარიშით დასრულდა.
მეორე ნახევარიც მაღალ ტემპში დაიწყო და ტაიმის დაწყებიდან 20 წუთში ედინ ჯეკომ პეპე რეინას კარის ბადე მეორედ შეარხია. მარცხენა ფლანგიდან კოლაროვის დაბალ ჩაწოდებულს მცველების ყურადღების მიღმა დატოვებული ჯეკო გოლით გამოეხმაურა. "სიტი” კვლავ დაწინაურდა 2:1.
შეგახსენებთ, რომ პირველი მატჩი "ეტიჰადზე” მერსისაიდელთა გამარჯვებით, ანგარიშით 1:0 დასრულდა. ლიგის თასზე სტუმრად გატანილ გოლს ძირითად დროში უპირატესობა არ ენიჭება, ასე რომ, მოვლენების ამგვარად განვითარება "ქალაქელთა” ინტერესებში შედიოდა, თუმცა "წითლები” დანებებას არ აპირებდნენ და ჯოი ჰარტის კართან შეტევებს სიმწვავე შემატეს, რამაც თავისი შედეგი მოიტანა. კიუიტი, ბელამი, ჯონსონის ლამაზად გათამაშებულ კომბინაციას უელსელის გოლი მოჰყვა. ანგარიში კვლავ გათანაბრდა 2:2.
მერსისაიდელებს მინიმუმ ეს ანგარიში უნდა შეენარჩუნებინათ, "ქალაქელებს” კი კვლავ ერთი გოლის გატანა სჭირდებოდათ და რეინას კართან რამდენიმე სახიფათო მომენტიც შექმნეს, თუმცა დაწინაურება ვეღარ შეძლეს. მატჩი ფრედ, ანგარიშით 2:2 დასრულდა, რაც ხელს "ლივერპულს” აძლევდა.
ასე რომ, წელს, ინგლისის ლიგის თასის ფინალში "უემბლიზე” "კარდიფ სიტი” და "ლივერპული” ითამაშებენ. სხვათა შორის, უელსელთა ღირსებას სტივენ ჯერარდის უმცროსი ძმა ენტონი ჯერარდი იცავს, ასე რომ, ფინალში ძმები ჯერარდების დუელი გველის. ”კარდიფს” აღნიშნული ტურნირი მოგებული არ აქვთ, "ლივერპულს” კი ლიგის თასი შვიდჯერ აქვს დასაკუთრებული (უკანასკნელად 2003 წელს). ფინალური მატჩი "უემბლიზე” 26 თებერვალს გაიმართება.
