მატჩები: "ლივერპული" ასოციაციის თასის ფინალშია (ვიდეომასალა, ფოტომასალა)
ინგლისის ფეხბურთის ასოციაციის თასის პირველი ნახევარფინალური მატჩი "უემბლიზე" "ლივერპულსა" და "ევერტონს" შორის შედგა. შეხვედრა საინტერესოდ და დაძაბულად წარიმართა.
მიუხედავად იმისა, რომ "წითლები" ფავორიტის სტატუსით სარგებლობდნენ, პირველი გოლი სწორედ მათ კარში გავიდა. 24-ე წუთზე ჯეიმი კარაგერისა და დანიელ აგერის შეუთანხმებელი მოქმედების შედეგად ნიკიცა იელავიჩმა ისარგებლა და "ევერტონი" დააწინაურა. ტაიმის დანარჩენი ნაწილი "ლივერპულის" უპირატესობით წარიმართა, თუმცა "კანფეტებმა" ანგარიშის შენარჩუნება მოახერხეს.
მეორე ტაიმის დასაწყისში "წითლებმა" წნეხი გააძლიერეს, რამაც შედეგი გამოიღო. მატჩის 62-ე წუთზე სილვერ დისტენი ბურთს მეკარეს აწვდიდა, თუმცა ეს უხეიროდ გააკეთა, კიპერთან ერთი-ერთზე გასულმა ლუის სუარესმა კი ანგარიშის გათანაბრება შეძლო 1:1.
ტაიმის დანარჩენი ნაწილი გარდამავალი უპირატესობით წარიმართა. "ლივერპულის" კარს გუნდის მესამე მეკარე ბრედ ჯონსი იცავდა (პეპე რეინა და ალეშანდრ დონი დისკვალიფიცირებულები არიან). ავსტრალიელ კიპერს სათამაშო პრაქტიკა არ აქვს და ეს მოქმედებებში აშკარად ეტყობოდა.
შეხვედრის ძირითადი დრო დასასრულს უახლოვდებოდა, სტადიონზე შეკრებილი მერსისაიდელი ფანები უკვე დამატებითი დროისთვის ემზადებოდნენ, თუმცა ფინალში გამსვლელი გუნდის ბედი 90 წუთში გადაწყდა. 87-ე წუთზე "ევერტონის" კარის მიმართულებით სახიფათო საჯარიმო დარტყმა დაინიშნა. კრეიგ ბელამმა ბურთი საჯარიმოში მყოფ ენდი ქეროლს ჩაუწოდა, ტანმაღალმა ფორვარდმაც არ დაახანა და თავური დარტყმით ტიმ ჰოვარდის კარის ბადე მეორედ შეარხია 2:1.
"ევერტონს" მატჩის გადასარჩენად არც დრო და არც ენერგია ეყო, "ლივერპულმა" ასოციაციის თასის ფინალის საგზური მოიპოვა.
მეორე ნახევარფინალურ მატჩს "უემბლი" ხვალ უმასპინძლებს. "ტოტენჰემ ჰოთსბურისა" და ლონდონის "ჩელსის" დაპირისპირება ჩვენი დროით 21:00 საათზე დაიწყება.
maiko_gerrard იგივე მაიკო შაღაშვილი, რომელიც ჩვენი საიტის მომხმარებელია, "ლივერპულის" ქართველი ფანებიდან ერთ-ერთი ყველაზე მაგარი ფანია. ამაში თავად დარწმუნდებით, როდესაც მის ჩანაწერებს წაიკითხავთ.
ლევან აბესაძის (lenny) მოთხრობათა კრებულია, რომელშიც მთავარი გმირი პატრიკ ორბელი ირლანდიიდან მერსისაიდში გადმოსახლებული ბიჭია, რომელსაც "ლივერპულის" ფანებთან ერთად მრავალი ისტორია გადახდება თავს.
ინგლისის ფეხბურთის ასოციაციის თასის პირველი ნახევარფინალური მატჩი "უემბლიზე" "ლივერპულსა" და "ევერტონს" შორის შედგა. შეხვედრა საინტერესოდ და დაძაბულად წარიმართა.
მიუხედავად იმისა, რომ "წითლები" ფავორიტის სტატუსით სარგებლობდნენ, პირველი გოლი სწორედ მათ კარში გავიდა. 24-ე წუთზე ჯეიმი კარაგერისა და დანიელ აგერის შეუთანხმებელი მოქმედების შედეგად ნიკიცა იელავიჩმა ისარგებლა და "ევერტონი" დააწინაურა. ტაიმის დანარჩენი ნაწილი "ლივერპულის" უპირატესობით წარიმართა, თუმცა "კანფეტებმა" ანგარიშის შენარჩუნება მოახერხეს.
მეორე ტაიმის დასაწყისში "წითლებმა" წნეხი გააძლიერეს, რამაც შედეგი გამოიღო. მატჩის 62-ე წუთზე სილვერ დისტენი ბურთს მეკარეს აწვდიდა, თუმცა ეს უხეიროდ გააკეთა, კიპერთან ერთი-ერთზე გასულმა ლუის სუარესმა კი ანგარიშის გათანაბრება შეძლო 1:1.
ტაიმის დანარჩენი ნაწილი გარდამავალი უპირატესობით წარიმართა. "ლივერპულის" კარს გუნდის მესამე მეკარე ბრედ ჯონსი იცავდა (პეპე რეინა და ალეშანდრ დონი დისკვალიფიცირებულები არიან). ავსტრალიელ კიპერს სათამაშო პრაქტიკა არ აქვს და ეს მოქმედებებში აშკარად ეტყობოდა.
შეხვედრის ძირითადი დრო დასასრულს უახლოვდებოდა, სტადიონზე შეკრებილი მერსისაიდელი ფანები უკვე დამატებითი დროისთვის ემზადებოდნენ, თუმცა ფინალში გამსვლელი გუნდის ბედი 90 წუთში გადაწყდა. 87-ე წუთზე "ევერტონის" კარის მიმართულებით სახიფათო საჯარიმო დარტყმა დაინიშნა. კრეიგ ბელამმა ბურთი საჯარიმოში მყოფ ენდი ქეროლს ჩაუწოდა, ტანმაღალმა ფორვარდმაც არ დაახანა და თავური დარტყმით ტიმ ჰოვარდის კარის ბადე მეორედ შეარხია 2:1.
"ევერტონს" მატჩის გადასარჩენად არც დრო და არც ენერგია ეყო, "ლივერპულმა" ასოციაციის თასის ფინალის საგზური მოიპოვა.
მეორე ნახევარფინალურ მატჩს "უემბლი" ხვალ უმასპინძლებს. "ტოტენჰემ ჰოთსბურისა" და ლონდონის "ჩელსის" დაპირისპირება ჩვენი დროით 21:00 საათზე დაიწყება.
